نادر أبو الليف يهاجم نقابة الموسيقيين بشدة بسبب 900 جنيه.. ما القصة؟

0

هاجم المطرب الشهير نادر أبو الليف، نقابة المهن الموسيقية، بسبب إجرائه جراحة مؤخرًا، ودخوله العناية المركزة، بعدما تعرض لوعكة صحية.

وقال أبو الليف بعد إجرائه الجراحة على نفقته الخاصة، في تصريحات تلفزيونية: حلو تاخد مني ضريبة على أي فرح أو أي حفلة، ولما أتعب ملاقيكش في ضهري، اشمعنا متقفوش جمبي وأنا مافيش شغل.

وأضاف: حلمي عبد الباقي مش في إيديه الإمكانيات أنه يعمل لي حاجة، أنا معاشي 900 هيأكلولي عيالي إزاي؟ من مدارس وأكل وشرب، بقالي شهر مقدم الطلب لـسكرتير النقابة ووكيلها ومحدش بيرد عليا ولا يعبرني.

وكشف نادر أبو الليف، أنه دفع ما يقرب من الـ90 ألف جنيه مؤخرًا، بسبب العملية الجراحية، قائلًا: مستلفهم عشان أدفعهم للمستشفى، النقابة كانوا عايزين يدوني 15 ألف جنيه عشان أدفع تكاليف المستشفى اللي مستلفهم من صحابي”.

وتابع: هما دول اللي انتخبناهم في المجلس، حرام عليكم، لو اتعرض عليا انهارده أي حاجة هوافق عشان أكل الأربعة اللي في رقبتي مراتي وعيالي التلاتة.

وسبق أن أوضح أبو الليف أنه نجا من حريق سيارته وأولاده، أثناء اتجاهه إلى الساحل الشمالي.

وقال: فولت العربية قبل مراسي ومشيت وتقريبًا البنزين رشح والعربية سخنت وولعت وولعت من تحت، حسبي الله ونعم الوكيل.

وتابع: كل ده بسبب الحسد والقر والعين، المؤمن دايمًا مصاب وأنا متصاب على طول، مع أني بصلي وبقرأ قرآن وأذكار، لكن ربنا وكيلي، وعلى رأي المثل حسدوا القرد على ماله.

وأكمل: محدش يعرف حاجة، مفيش حد خالي من المشاكل لكن الناس بتتجاهل ده وبتركز في الحلو والحمد لله عايش ومستور.