“اتجوزت من وراه”.. والد ياسمين صبري يفاجئها بصور صادمة من الخطوبة الأولى

0

نشر أشرف صبري والد الفنانة ياسمين صبري، صورًا لها معه من خطوبتها الأولى.

جاء ذلك تكذيبًا لتصريحاتها حول علاقته بها وأنها لم تراه منذ كانت في الثانية من عمرها.

وقال والد ياسمين: “بعد ماسمعت أكاذيب بنتي اللي ربيتها في بيتي وكانت صاحبة البيت وعندها شغالة وقدرت تطعن ابوها في ضهره؟”.

وأضاف: “أصدقاءنا كانوا بييجو البيت بيشوفوها ولما كبرت جيبتلها عربية ياريت الناس اللي يعرفونا”.

وتابع: “جم بيتنا يردوا ويقولوا ياسمين كانت عايشة في بيتي ازاي في كل مراحلها وازاي اتخطبت وعملتلها اجمل حفلة ودي صورها”.

وأكمل: “الكدب ده بيبرر بالنسبة لها سبب عدم حضورها فرح اخوها ولو اب اهتم بفرح ابنه وزعلان إن اخواته ماجوش مش حيهتم ببنته؟ أنا عملت لها حياة كريمة راقية ومحترمة وماكنتش فاكر إن الرد حيكون كده والسر اللي الناس ما تعرفوش انها اتطلقت من الراجل المحترم الدكتور ده بسبب امها لانه حكالي وقالي امها خربت بيتنا”.

واستطرد: “اتجوزت من ورايا وبدون علمي بعد التربية اللي عملتهالها وعشان كده انا مش معترف بجوازها اللي من ورا ضهري ده، وحسبي الله ونعم الوكيل”.

كانت ياسمين صبري قد قالت قبل أيام، إن من قام بتربيتها هي جدتها وجدها من والدتها، مضيفةً أن جدتها كانت امرأة شديدة وتحرص على تدريبها يومياً منذ أن كانت بعمر 4 سنوات وحتى أصبحت بعمر الـ18 عاما، فلم يكن لها رفاهية الوقت أو الراحة، والذي تعتبره كان سببا في نضج شخصيتها وتحملها للمسؤولية.

وأوضحت أن والدها انفصل عن والدتها عندما كان عمرها عامين، وبأنها لم تر غير والدتها وجدها وجدتها من ناحية الأم.

وتابعت: “مفيش علاقة بيني وبين والدي لكن الانفصال مش سبب لأن الناس بتاخد اختيارات في حياتها، وفي ناس بتختار تتحمل مسؤولية وتكمل للآخر وناس تانية بتختار نفسها”.

وأكملت: “أخاف أزعل ربنا، لأنه كل حاجة في حياتي.. هو حبيبي وأنا حبيبته، ودايما بقول كده.. هو دا يقيني وأنا حرة.. هو سندي وضهري وهو كل حاجة أنا عليها وكل ما بشعر بكده بيديني أكتر.. وربنا قالها (أنا عند حسن ظن عبدي بي)”.