أحمد موسى ينفجر في وجه وزيرة الثقافة بسبب فيلم مُسيء

0

انفعل الإعلامي أحمد موسى، غضبًا من فيلم “ريش” الذي اتهمه بأنه يحمل إساءة لمصر، علمًا بأن الفيلم عرض في مهرجان الجونة وأثار غضب الفنانين.

وقال موسى خلال برنامجه “على مسؤوليتي” على شاشة “صدى البلد”، مساء الاثنين: “صاحب الفيلم ده عاوز يقدم لنا إيه.. مفيش مشهد واحد يدل على إن مصر اتغيرت”.

وأضاف: “اللي عامل الفيلم مش شايف مصر وعايش في 2011 و2012 و2013 .. لماذا يحاول البعض تقديم صورة سلبية عن مصر، فيه ناس أعداء لبلدنا دلوقتي بيتكلموا عننا إيجابي يبقى إحنا نعمل كده في نفسنا”.

كما هاجم وزيرة الثقافة إيناس عبد الدايم بعدما كرّمت هذا الفيلم في شهر أغسطس الماضي، وقال: “لو الوزيرة كرمت الفيلم بعد ما شافته تبقى جريمة ولو مشفتوش تبقى جريمتين.. حضرتك بتكرميهم على إيه، على السمعة ولا التاريخ.. هو ده لو فيلم إيجابي عن مصر هل كان هيتكرم”.

وأكمل: “لازم الوزيرة تقولنا كرمتهم بناء على إيه.. لو صورة سلبية موافقين تتقدم لكن فيه 20 صورة إيجابية لازم نعرضها أيضًا”.

وكانت وزيرة الثقافة قد كرّمت صناع هذا الفيلم في أغسطس الماضي، بفوزه بجائزة أسبوع النقاد في الدورة الـ74 بمهرجان كان السينمائي الدولي.