خالد الغندور ينقلب على مجلس إدارة الزمالك.. ويكشف أسرارا خطيرة

0

قال خالد الغندور فى إذاعة اون سبورت ومن خلال برنامج اللعبة الحلوة : “أنا قريب من مجلس الادارة ومكنتش عارف أن فى ايقاف قيد للزمالك غير من حسين لبيب فى التليفزيون ، وكنت عارف أن الزمالك خلص وليد الكرتى لاعب الوداد وقالولى هنعلن عن التعاقد مع عبد الله السعيد خلاص”.

وذكر الغندور أن مديونات الزمالك وصلت ل 300 مليون جنيه ، بسبب العقوبات والغرامات فى بعض القضايا ، وهى السبب فى إيقاف القيد .

وتابع خالد : “طب لما فيه ايقاف قيد تعاقدتوا مع عمر كمال عبد الواحد ليه ومحمود شبانة وحمدى النقاز، وإيه كمية القضايا اللى على الزمالك دى من أيام المجالس السابقة ووصلت لـ 300 مليون جنيه”.

واستكمل الغندور : “لو ادارات الزمالك بتمشى صح وتدفع اللى عليها وتنهى علاقاتها باللاعبين بدون أزمات مكنش ده بقى حالنا، يعنى عشان لاعب زى حسام أشرف وأكاديمية حتى مش نادى فى الكاميرون نتوقف فترتين قيد، وطبعا المجلس جاب النقاز عشان عقوبته مش عشان فنياً”.

واختتم خالد الغندور فى برنامجه الإذاعى اللعبة الحلوة : “لو ظل القيد موقوف سوف يقوم الزمالك بإعارة الصفقات الجديدة، واللجنة اتصرفت صح فى أزمة حمدى النقاز مش ناقصين فلوس كمان ونعيره نستفيد فلوس كمان، وعبد الله السعيد كان افضل يجى السنة دى طالما مش هيجى السنة دى يبقى مش مفيد السنة الجاية”.