كل اللي عايزاه هنعمله.. السيسي يطمئن بوسي سعد أول حدادة في المنصورة

0

فى مداخلة هاتفية للرئيس عبد الفتاح السيسي مع الإعلامى يوسف الحسينى فى القناة الأولى المصرية علق على صورة ل سيدة من محافظة الدقهلية واسمها بوسى سعد تعمل بمهنة الحدادة ،قائلا: “الصورة اللي في التليفزيون دي نموذج ومثل نفتخر ونفخر به كلنا، فعلا المرأة المصرية عظيمة ومخلصة وشريفة، وشقيانة على أهلها وناسها، ربنا يكرمك، لو عاوزه حاجة قوليلي ومتتكسفيش”.

وأكد الرئيس أنه سيساعدها فى مهمتها الثقيلة قائلا لها ” أنا تحت أمرك في كل حاجة” .

فردت عليه بوسي: ” كده كتير عليا أوي” .

‏ فقال لها الرئيس ” مش أحنا اللي بنعمل، ده ربنا اللي بيعمل، ربنا يبارك في أولادك، واحنا تحت أمرك”

وتابع السيسي: “مش الموضوعية والوعي فقط هما اللي بيحكموا المسار في بناء الوعي، لكن المصريين خلال العشر سنين اللي فاتوا كان هناك تجربة وفرصة عملية خاضوها -شئنا أم أبينا- وطلعوا منها بدروس لم يضعها مخططين، ومنقولش إن المسؤولين عن الدولة حطوا استراتيجيات لبناء هذا الفهم وعدم الانقياد الأعمى للدين، وأنا بتكلم عن المسلمين والمسيحيين في مصر” .

وأضاف : “النقطة دي جت من الحالة اللي اتشكلت بعد 2011، والتطرف والإرهاب والتمن اللي مصر دفعته سواء من مواردها أو ولادها وبناتها اللي استشهدوا وأصيبوا، وكل الكلام ده الإعلام كان بيقدمه بتجرد دون انحياز، وده في حد ذاته شكل حالة.. والميل للدين بشكل مطلق ودون تفكير أتصور إنها تراجعت في مصر، وده هدف مقدرش أي رئيس قبل كدة يعمله وأنا معملتوش، ولكن الحالة المصرية هي اللي عملته”.