تصريحات نارية.. حمو بيكا يعترف بجهله: التعليم عملك إيه با بيه

0

شن مؤدى المهرجانات حمو بيكا، هجومًا على منتقديه، على صفحته الشخصية بموقع التواصل الإجتماعي فيسبوك.

وقال بيكا، في مقطع فيديو، إنه يعاني من تنمر بعض الناس تجاهه بسبب عدم استكماله للتعليم، وذلك بعد أن قام بتهنئة طلاب الثانوية العامة.

وأضاف: “بتقولوا عني جاهل ومش متعلم.. مع إن دي حاجة انا عمري ما أنكرتها ولا حتى خبيتها على الناس ومن يوم ما ربنا كرمني واشتهرت وبقى ليا جمهور بس هرجع واقولكم تانى انها حاجة مكنتش بأيدي”.

وتابع: “إنت بقى يا متعلم التعليم علمك إنك تقعد تعاير الناس بعيوبها؟ التعليم علمك إن تفضل تتنمر علي خلق الله؟”.

وأكمل: “التعليم علمك إنك مباح ليك الشتيمة في حد هو أقل منك في شيء؟ أكيد لا فمتجيش من ورا شاشه وكيبورد تعمل فيها عم الناصح وانت اصلاً موركش حاجة تعملها”.

واستطرد: “أنا متعلمتش ومنولتش الشرف الكبير ده بس اتعلمت حاجات كتير في الدنيا انت متعلمتهاش لسه اتعلمت احترام الكبير والصغير .. اتعلمت اشقى واتعب من صغري اتعلمت اني مغلطش في حد”.

وقال: “اتعلمت حاجات كتير جداً في حياتي انت عمرك ما تتعلمها طول ما انت باصص للناس! فكر في كلامك كويس وكومنتاتك كويس قبل ما تكتبها وقبل ما تقول انك متعلم افتكر انك في “تربية وتعليم” يعني التربيه قبل التعليم”.