لما أستضافوا رجاء الجداوي في برنامج “الستات مابيعرفوش يكدبوا” ، كان من الأسئلة اللي أتسألتها
“إزاي علاقتك بميرفت ودلال ثابته ومكمله ، إيه السر”
قالتلهم كام جمله تتبروز ، قالت ” مابندورش ورا بعض ولا بننكش في حياه بعض ، ماحدش فينا بيرن يقول للتاني انت روحت ليه المكان دا من غيري ، ليه طلعت مع كذا ومطلعتش معايا ، سمعت عنك كذا
“كل واحد فينا من حقه يحتفظ بجزء من خصوصيته والمفروض نحترمها “
كملت وقالت حاجه خلتني أركز في حلاوه كلامها ، قالت
“مابنبصش لمين عليه العين أكتر ، مين أسمه لامع اكتر ، مين أجره اكتر من التاني ، احنا التلاته مميزين في عيون بعض ومافيش فرق بينا “
والجمله اللي لفتت نظري اوي لما قالت “بحبهم بعيوبهم ومتقبلاها جدا “
إحنا بس محتاجين ناس تسهل علينا حياتنا ، محتاجين صحبه لينه هينه سهله
