أردوغان وأبو تريكة.. معتز عبد الفتاح يكشف الفارق بينهما

0

قال الدكتور معتز عبد الفتاح، أستاذ العلوم السياسية، إن الرئيس التركي رجب طيب أردوغان هو أكبر المصدومين مما يحدث في تونس حاليا.

وأضاف خلال برنامجه “عبر الشمس ” على قناة الشمس أن أردوغان مصدوم من تصدي الرئيس قيس سعيد لمحاولات جماعة الإخوان المتمثلة في حركة النهضة نحو “أخونة تونس”.

وأكمل عبد الفتاح: “أردوغان عمال دلوقتي ياكل في ضوافره.. مرسي اتخلع في مصر، والسراج اختفى من ليبيا، والبشير مبقاش موجود في السودان، والغنوشي بيحصل معاه كده في تونس، وكمان كان عايز بشار الأسد يمشي من سوريا ولسه قاعد”.

وأوضح: “أردوغان دلوقتي بيقول هو في إيه؟ ومفيش حاجة ماشية صح ليه؟ أنا من وجهة نظري أن أردوغان تكتيكيا شاطر، لكن استراتيجيا مش شاطر، مش زي مثلا أبو تريكة عندنا في الكرة، أبو تريكة كان يبني هجمة من الأول للآخر ويجيب جول كمان، وكذلك محمد صلاح دلوقتي، لكن في لعيبة تانية بتلعب تكتيكيا كويس، لكن متعرفش تجيب جول، هو ده أردوغان بالظبط”.

وذكر: “أردوغان رغم أنه حاطط نفسه في مكانة الاستراتيجي الأكبر في المنطقة، لكنه مش شاطر تماما، وعشان كده الخيبة بتحصل لكل حلفائه في المنطقة”.