فاجعة بالغة القسوة.. قصة رضيعة توفيت بسبب “بوسة أسرية”

0

ينشر سكاي مصر نص تدوينة لطبيبة كشفت عن وفاة طفلة رضيعة في قصة مأساوية

البنت اللي في الصورة دي صورتها مالية الانترنت اليوميين دول
الطفلة دي ماتت بسبب بوسه
اه زي ماحضرتك قريتها .. ماتت بسبب قبلة من الفم

كانت مولوده كويسه جداً،، لكن بعد اسبوع من ولادتها ،، لاحظ الأب والأم ان بنتهم مش بترضع كويس وديماً نايمة مش بتفوق وتنفسها بدأ يضطرب

راحوا بيها للمستشفي وتم حجز البنت واكتشفوا اصابتها بالتهاب سحائي بالمخ نتيجة إصابتها بفيروس اسمه فيروس هيربس واللي اتنقل للطفلة من خلال “قُبلة” من أحد قرايبها كان مصاب بيه
.
بدأ الفيروس في مهاجمة المخ و ماتت البنت وهي عندها ١٨ يوم😢
.
بوسة واحدة أنهت حياة طفلة بريئة في اقل من ١٠ ايام
.
الأم نشرت قصة بنتها علي صفحتها للتوعية من خطر تقبيل الأطفال من الفم
.
أمراض كتير بتتنقل للأطفال عن طريق تقبيلهم بالفم زي الاتهاب السحائي الأنفلونزا وفيروس شلل الأطفال و فيروس هيربس و الميكروب الحلزوني أو ما يعرف بجرثومة المعدة المسببة لقرح ونزيف المعدة
وكمان الفيروس المسبب لالتهاب الغدة النكافية والحصبة وغيرها كتير لو قعدنا نكتب من دلوقتي لحد الصبح مش هنخلص
.
اللي لسه مكسوفه تمنع اي بني آدم إنه يبوس طفلها .. يا ترى لسه هتتكسفي؟
.
لو خايفه على ولادك انشريها و وعي الناس يمكن تساهمي في حماية طفل من الموت بسبب العادة السيئة دي