“ألفاظ غير لائقة”.. خناقة بين لقاء الخميسي وريهام سعيد بسبب صيد الثعالب

0

اندلعت “خناقة كلامية” بين الفنانة لقاء الخميسي والإعلامية ريهام سعيد بسبب الحلقة التي قدّمتها مذيعة برنامج صبايا الخير، وخاضت خلالها مغامرة اصطياد ثعالب.

وأثارت المذيعة ريهام سعيد، جدلا كبيرا، بعد حلقة برنامجها صبايا الخير، بعدما اصطادت على الهواء مباشرة ثعالب برية عبر نصب الفخاخ لها.

وبعد انتقاد وجّهته لقاء لها، قالت ريهام عبر “إنستجرام”: “نكدب على الناس ونوريهم طريقة صيد غلط؟، طب الحمد لله ان إحنا اكتشفنا إنهم بيتعذبوا كده وبطلي تلبسي جاكيتات بالآلاف عشان يبطلوا يصطادوا الحيوانات دي”.

وأضافت: “على فكرة إنت بتاكلي حمام وهو بيتضرب بالنار وبتطلعي سمكة من المية وبتشوفيها وهي بتطلع في الروح وتاكليها، وبتدبحي الجاموسة وبتصطادي الفار وبتقفلي المصيدة على ديله، أي طريقة صيد مؤلمة”.

وأضافت: “الإعلام دوره عرض أي حاجة وأي مهمة بسلبياتها وإيجابياتها إحنا مش برنامج أطفال حضرتك، القتل والدم لما بيظهر في الأفلام بيجرح نظر الأطفال ده مش معناه أنك بتشجعي القتل”.

وتابعت: “الغريب أني المفروض زميلة وأنك تنتقديني ده غير مسموح وبعدين أنا متأكدة أنك ما اتفرجتيش على الحلقة الدنيا دوارة على فكرة إن شاء الله البرنامج يكون سبب في أن الظاهرة دي تقف لأن الناس دي معاها تصاريح”.

واستطردت: “المهم هنا أني عمري ما كنت أعرف أنك مهتمة بالتليفزيون أول مرة أشوفك حاطة بوست انتقاد على أساس مفيش حاجة خالص تنتقد غيري، معلش أنا مقدرة خلي بالك عشان كله بيرجع”.

ردت “لقاء” على ذلك قائلةً: “أنا مش بتكلم عن المذيع أو المذيعة، بتكلم عن مبدأ الفعل وعرضه على الشاشة وفُرجة بعض الناس عليه على إنه فعل عادي فتيجي الأطفال تتأثر وقبلهم الكبار اللي بنشوف فيديوهاتهم وهما بيعذبوا الحيوانات”.

وأضافت: “كلامي واضح (لا لتعذيب الحيوان أو أي كائن حي) بأي وسيلة ونشرها وعرضها على الملأ، ياريت ما ندخلش في تفاصيل ما تخصناش، كلامي عن المحتوى الغير مناسب وغير مقبول لأي مكان مش بس في البرنامج أو غيره في العموم، لازم طول الوقت تسليط الضوء على الرحمة مع الحيوان وعدم تعذيبه إلا في حالة الدفاع عن النفس إذا هاجم الإنسان”.